სარეკლამო ბიზნესი ძირეული ცვლილებების წინაშე

საძიებო გიგანტი ტელევიზიებს სარეკლამო ბიუჯეტებს ართმევს, პარალელურად ქმნის ახალ ვიზუალურ რეალობას ონლაინ ბრენდების პოპულარიზაციისთვის. როგორ არის მოწყობილი Google-ის სარეკლამო იმპერია?
გასული წლის სექტემბრის შუა რიცხვებში Volkswagen-ის ამერიკული განყოფილება შეეჯახა ასეთ პრობლემას: 2014 წლის გაზაფხულამდე ავტოგიგანტი არ გეგმავდა მოდელური ხაზის გაფართოებას, მაგრამ საინფორმაციო ველიდან რამდენიმე თვით გაქრობა ასეთი მასშტაბის კომპანიისთვის უპატიებელი შეცდომა იქნებოდა. მაშინ VW-ის მარკეტინგული განყოფილების ტოპ-მენეჯერებმა სარეკლამო სააგენტოს წარმომადგენლებთან ერთად დასახმარებლად მიმართეს Google BrandLab-ის სპეციალსიტებს. შეხვედრა სან-ფრანცისკოში YouTube-ის მთავარ ოფისში შედგა.

მოლაპარაკებთა დარბაზი BrandLab მთლიანობაში ბრენდის მშენებლობის ხელოვნებასა და მეცნიერებას ეძღვნება, ეს არის დიდი ოთახი, რომელიც მოფანტულია ფუმფულა დივნებით, „აღჭურვილია“ უფასო სასმელითა და გიგანტური ეკრანით მთელ კედელზე, რომელიც შედგება 32 თხევადკრისტალიანი მონიტორით საერთო ფართობით 28 კვადრატული მეტრი, სადაც კლიენტებისთვის ვიდეო-პრეზენტაციები ტრიალებს.

ჯეფ როზიჩი, Google-დან, მუშაობას იწყებს: პირველ რიგში, ის Volkswagen-ის დელეგაციას უჩვენებს წარმატებული სარეკლამო კამპანიების ანგარიშებს, რომელზედაც BrandLab-მა იმუშავა.

BrandLab ჰყიდის თავის პროდუქციას, რომელიც მოწოდებულია, რომ შეცვალოს Google-ის მთელი ბიზნეს-იმპერიის განვითარების გზა. კომპანია, რომელმაც თავისი რეკლამის შემკვეთები მიაჩვია, რომ „კლიკებზე“ ყოფილიყვნენ ორიენტირებულნი, ახლა ბაზარზე ერთ-ერთ უმსხვილეს მოთამაშეს არწმუნებს, რომ „კლიკების“ შესახებ დაივიწყოს და კუთხის თავში დასვას რეკლამის ვიზუალური ნიმუშები. Google-ის გენერალურ დირექტორს ლარი პეიჯს შეუძლია დაუსრულებლად ისაუბროს ინვესტორებთან უფასო „გუგლომობილების“, დამატებითი რეალობის ანგარიშებისა და სხვა ვიზიონერული პრექტების შესახებ, მაგრამ მეოთხედი საუკუნის განმავლობაში საძიებო სისტემის მთავარი მიღწევა სარეკლამო ინდუსტრიაშია. ახლა ცვლილებების დრო მოვიდა:

ბოლო ორი წლის მანძილზე კომპანიის ერთობლივი სარეკლამო მოგება ორჯერ შემცირდა – 29%-დან 15%-მდე, ხოლო ახალგაზრდა გლობალური კონკურენტები Facebook-დან და Twitter-დან არ ფიქრობენ რეკლამის დამკვეთების ბიუჯეტისთვის ბრძოლაში დათმობაზე წასვლას. დომინირებული პოზიციის მეორედ მოპოვებისთვის Google მთელ რეზერვის მისთვის ახალ ფრონტზე გადასროლას აპირებს – ბრენდების პოპულარიზაცია, სადაც მთავარი სიტყვა დღეს ჯერ კიდევ პრიალა ჟურნალებსა და ტელევიზიებს ეკუთვნით.

ონლაინ-რეკლამის უმეტესობა ეს არის თითქმის ყველა ვებგვერდზე დადებული ბანერები და საძიებოებში კონტექსტური რეკლამა: რეკლამის ეს ფორმა დარგის განვითარებას არ იწვევს, ის არ ეხმარება გამოარკვიოს ისეთი კლასიკური მარკეტინგული ინდიკატორები, როგორიცაა ბრენდის ცნობადობა ან საქონლის ყიდვის სურვილი. ინტერნეტ-მომხმარებლები უბრალოდ აჭერენ ბანერზე ან ბმულზე და მათთვის საჭირო პროდუქტის ვებგვერდზე გადადიან. პირდაპირი მარკეტინგი ჯერ კიდევ უფრო მომგებიანია: „კონტექსტი“ სარეკლამო მოგების 60%-ის გენერირებას ახდენს და კომპანიებს ეხმარება მიიღონ 15,8%-იანი რენტაბელობა (2013 წელს). მაგრამ უახლესი ათწლეული სიტუაციას ძირეულად შეცვლის: ონლაინ-რეკლამის ძირითად ფორმად ბრენდების ვიზუალური სახე იქცევა.

იმისთვის, რომ ტენდენცია ვიგრძნოთ,

საკმარისია ციფრებს შევხედოთ. ანალიტიკური კომპანია eMarketer-ის შეფასებით, ამ წელს ინტერნეტში პოპულარიზაციისთვის ბრენდების მიერ გაწეული დანახარჯები 18 მილიარდ დოლარს შეადგენს, ხოლო 2018 წლისთვის, მათივე შეფასებით, ბაზარი გაორმაგდება და ონლაინ-რეკლამის ყველა ფორმას ჩამოიტოვებს, მეტიც, ზრდის უზარმზარ პოტენციალს შეინარჩუნებს.

შედარებისთვის, ტელერეკლამის გლობალური ბრუნვა, ბრენდული ბიუჯეტის მთავარი ინტეგრატორი, აღწევს ფანტასტიკურ ციფრს – 200 მილიარდს დოლარს.

თუმცა, დრო ადგილზე არ ჩერედება: ახალგაზრდა მომხმარებლები მედიაკომუნიკაცის პრონციპულად სხვა ცოდნას ფლობენ – ტელევიზორის ეკრანებთან ინფორმაციის პასიური მიმღების ნაცვლად, ისინი მოიხმარენ ვიდეოკონტენტს YouTube-სა და Netflix-ის ჰოსტინგებზე Snapchat-სა და Instagram-ზე კომუნიკაციის შემდეგ შესვენებისას. Interactive Advertising Bureau-ის გამოკითხვამ აჩვენა (გამოკითხვაში მონაწილეობა 5000-მა წარმომადგენელმა მიიღო საერკლამო ინდუსტრიიდან), რომ გამოკითხულთა 75% ელოდება კომპანიების სარეკლამო ბიუჯეტების გადანაწილებას ტელევიზიიდან ცუფრულ ვიდეოზე უკვე მომავალ წელს. შეუძლებელია Google-ს ეს შეუმჩნეველი დარჩენოდა.

საძიებო გიგანტ YouTube-ის შერწყმა ერთ-ერთ ყველაზე წარმატებულ გარიგებად მიიჩნევა ახალ ინტერნეტ ერაში. 2006 წელს ლარი პეიჯმა და სერგეი ბრინმა ჰოსტინგისთვის 1,65 მილიარდი დოლარი გადაიხადეს, დღეს ვიდეოსერვისის ბიზნესი კონსერვატიული გათვლებით, ფასდება 20 მილიარდ დოლარად. მაშინ როცა Google ასეთი მასშტაბებით ოპერირებს, მისთვის 400 მილიონი დოლარი არაფერია ბრენდების ონლაინ პოპულარიზაციის მოდელის შესაქმნელად. რეკლამის დამკვეთებისადმი კომპანიის მიერ გადადგმული ნაბიჯი ბაზარმა პოზიტიურად მიიღო. ოქტომბერში სააგენტო Publicis’ MediaVest-მა (Coca-Cola-ს, Honda-სა და სხვა პირველი რანგის ბრენდების რეკლამაზე პასუხისმგებელი) Google-თან ხელი მოაწერა ათეულ მილიონად შეფასებულ შეთანხმებას, რომელიც ითვალისწინებს თავისი კლიენტების პოპულარიზაციას ინტერნეტ-კომპანიის სერვისების საშუალებით 2014 წლის მანძილზე. ეს გარიგება პირველია, როცა კონტრაგენტმა Google-ს სარეკლამო ფართობი შეუკვეთა. ანალოგიური სქემით მუშაობენ რეკლამის შემქმნელები ტელევიზიებთან.

ნოემბერში ჰოლდინგ Publicis-ში შემავალი სააგენტოები: DigitasLBi და Razorfish უფრო შორს წავიდნენ. მათ Google-თან 100-მილიონიანიანი კონტრაქტი გააფორმეს YouTube-ზე და საძიებო გიგანტის ბანერულ და მობილურ ქსელში მათი კლიენტების რეკლამების განსათავსებლად.

როგორც ამბობენ, უახლოეს მომავალში კომპანია კიდევ აპირებს დადოს მსგავსი „საავანსო გარიგება“. ინვესტორები ამ ფაქტს აფასებენ: საძიებო გიგანტის აქციები ისტორულ მაქსიმუმზე ივაჭრება (Google კაპიტალიზაციის მიხედვით მეორე ადგილზე გავიდა და პირველობა მხოლოდ Apple-ს დაუთმო).

Google-ს შეუძლია ბრენდების პოპულარიზაციით 2020 წლამდე 20 მილიარდი დოლარი გამოიმუშაოს, რაც ტელერეკლამის ბაზრის 6%-ის ექვივალენტურია. Google-ის ერთობლივი ამონაგები 2014 წლისთვის სავარაუდოდ 60 მილიარდი დოლარი იქნება, გამოდის, რომ რეკლამის შემკვეთებთან მუშაობის ახალი სტილი რამდენიმე წელშიწადში კომპანიის ბიზნესისთვის ერთ-ერთი მთავარი შემოსავალი გახდება.

როგორ ხედავენ ექსპერტები სარეკლამო ინდუსტრიის მომავალს? ისევე როგორც ტრადიციული მედიიდან კონტენტი „ციფრულდება“, იგივე ელოდება რეკლამასაც. Google უკვე ცდილობს ფეხი აუწყოს ამ ტენდენციას მოწყობილობის – Chromecast-ის საშუალებით – მეხსიერების ჩიპის ოდენა პორტატული მედიაპლეერი, რომელიც სმარტფონიდან ან პლანშეტიდან ვიდეოს გაგზავნის საშუალებას იძლევა პირდაპირ ეკრანზე. ექსპერტები ფიქრობენ, რომ რეკლამის შემკვეთები იმ გზით წავლენ, რომლითაც მომხმარებლები მიდიან და ფულიც მას გაჰყვება.

ექსპერტების თქმით, Google-ში ონლაინ-რეკლამის ყველა ფორმას, „კონტექსტიდან“ დაწყებული, ბანერებითა და YouTube-ზე როლიკებით დამთავრებული, ასევე ახალ ბრენდინგულ პროექტებს, ადრე თუ გვიან, რაღაც ოპერაციული სისტემა მომართავს, რომელიც გააკეთებს ამოცანის ანალიზს და მოძებნის ოპტიმალურ გზას მის გადასაყვეტად, თან მიუთითებს, როგორ გადაანაწილოს ძალისხმევა კომპიუტერზე, სმარტფონზე, პლანშეტზე, „ჭკვიან ტელევოზორზე“ და ვინ იცის, იქნებ, Google Glass-ზეც კი – დამატებითი რეალობის სათვალეზე. ზოგიერთი მარკეტოლოგი უკვე აკეთებს „მომავლის კომპანიის“ პროტოტიპის ტესტირებას ასეთ აღწერილობაში. მაგალითად, Adidas D Rose 4-ის ბოტასის ახალი მოდელის ჩაშვებისას, გერმანულმა კომპანიამ YouTube-ზე როლიკი განათავსა და რეკლამა Google Display Network (GDN)-ის ქსელში, რომლის ბაზაშიც 2 მილიონი ვებგვერდია. მწარმოებელმა Google-ის საშუალებები მობილურ რეკლამას შეუერთა, „მეორე ეკრანის“ (Twitter-ის მსგავსი) სერვისებთან და საძიებო მოთხოვნების გაცემისას რეკლამის გაჩენის კოოპერაციით.

რეკლამის დამამზდებლები ოცნებობენ „იდეალური რეკლამის“ შექმნაზე. ჩვეულებრივ ენაზე ეს ისეთი რეკლამაა, რომელსაც პოტენციური მყიდველი ხედავს ზუსტად იმ მომენტში, როცა მას სწორედ კონკრეტული პროდუქტი სჭირდება, სწორედ იმ კონკრეტულ დროს და მზად არის იყიდოს. ექსპერტების თქმით, იდეალურ რეკლამას პირდაპირ გაყიდვებში „კონტექსტი“ მიუახლოვდა. თუმცა, ახლა

Google-ის ტოპ-მენეჯერები ოცნებობენ, რომ აუდიტორიამ ინტერნეტში ბრენდების ვიზუალური სახის უფრო ღრმა აღქმა მოახდინონ. მათ სურთ დაამტკიცონ დარგში დამკვიდრებული პოპულარული თეზისის მცდარობა, რომ ტელეეკრანთან რეკლამის პასიური მომხმარებლობა უფრო ეფექტურია, ვიდრე რეკლამის შემკვეთის ონლაინ კამპანიაში აქტიური მონაწილეობა. მათი თქმით, ყველაფერი პირიქითაა, თუკი მომხმარებელი ჩართულია რაიმეში, ეს აპრიორი ნიშნავს მათი არჩევანის თავისუფალ ხასიათს, ხოლო თავისუფალი არჩევანი ნიშნავს, რომ Google-ს შეუძლია „სიმკვეთრე“ შემატოს და აჩვენოს მაქსიმალურად რელევანტური რეკლამა.

როგორ წარმოუდგენია Google-ს დარგში თამაშის წესების შეცვლა? ამაზე პასუხის გაცემა კომპანიაში დისპლეური რეკლამის ქვეგანყოფილებაში შეუძლიათ. განყოფილების ოფისში მთელ კედელს იკავებს თეთრი დაფა, რომელიც რთული განტოლებებითაა დაფარული. მრავალგანტოლებიანი მათემატიკური ფორმულები ეს არის დისპლეური ბიზნესის ფუნდამენტი (დისპლეური რეკლამა – ონლაინ-რეკლამა, რომელიც განთავსებულია ვებგვერდზე და მოიცავს გამოსახულებას, ბანერს და ტექსტურ შეტყობინებას), რომლის მოცულობა 12,5 მილიარდი დოლარია. „გასვლისას ეს განტოლებები იქცევა ლამაზ მულტიმედიურ რეკლამად“, – აცახდებს Google-ის ვიცე-პრეზიდენტი დისპლეური რეკლამის მიმართულებით ნილ მოენი.

2011 წელს, როდესაც ლარი პეიჯმა გენერალური დირექტორის ადგილი დაიკავა, მოენის წინაშე ასეთი ამოცანა დასვა, რომ „მოეწყო რევოლუცია“ და ბიზნესის მისდამი მინდობილი სეგემენტი ისეთივე მომგებიანი გაეხადა, როგორიც კონტექსტური რეკლამა გახდა Google-სთვის. მოენმა Google-ში შექმნა ისეთი პროდუქტი, რომელსაც კონკურენტებიც კი უსიტყვოდ აღიარებენ, როგორც გაყიდვებში და რეკლამის განთავსებაში უმსხვილეს და საუკეთესო სოფტ-არქიტექტურას, რეკლამის შემკეთისთვის და შემქმნელისთვისაც. მოენის სისტემის საფუძველშია ტექნოლოგიური სარეკლამო ბირჟა, რომელიც სარეკლამო ფართობის გაყიდვებზე გარიგებებს ახორციელებს ისეთივე სისწრაფით, როგორითაც Nasdaq-ზე აქციები ივაჭრება. Google-ის ვიცე-პრეზიდენტს მიაჩნია, რომ ტელერეკლამის დაახლოებით 40% ტყუილად მუშაობს და სამიზნე აუდიტორიას არ ხვდება. ინტერნეტ-კორპორაციამ იცის ინფორმაციის უფრო ზუსტი სეგმენტირება. მოენის აზრით, მომავალში Google შეძლებს შეაჯვაროს დაფარვის ქვეშ მყოფი მომხმარებლის ინდივიდუალური ინტერესებზე დაგროვილი მონაცემები ტელევიზიების მომხმარებელთან და ეს იქნება ხარისხობრივად განსხვავებული რამ.

„ტელედაფარვის“ მიღწევაში კომპანიას უნდა დაეხმაროს მისი დისპლეური ქსელი, რომელიც მილიონობით ვებგვერდს აერთდიანებს დიაპაზონში – ლოკალური ვებ-პროექტებიდან დაწყებული, The New York Times-სა და USA Today-ის მასშტაბის გიგანტებით დამთავრებული. პორტალები უერთდებიან Google-ის სარეკლამო სისტემას, რის სანაცვლოდაც მოგების წილს იღებენ, რომელიც რეკლამის შემკვეთების ბიუჯეტის გენერირებას ახდენს. ქსელი მოიცავს გლობალური ინტერნეტ-აუდიტორიის 90%-ს, ეს დაახლოებით მილიარდი მომხმარებელია თვეში. ზოგჯერ არარელევანტურ ნიშურ პორტალებზე რეკლამის განთავსებისას პირველ ხანებში სისტემა ითიშებოდა, მაგრამ ალგორითმის მუდმივმა დახვეწამ მსხვილი კომპანიები დაარწმუნა, რომ შეთავაზებული ფუნქცია პერსპექტიული იყო. იმ რეკლამის შემკვეთების რაოდენობა, რომლებიც ინტერნეტში თავიანთი რეკლამისთვის რამდენიმე თვით ადრე სივრცეს ჯავშნიან Google-ის ქსელში, ერთი წლის განმავლობაში ოთხჯერ გაიზარდა და ეს იმ პირობებში, როცა ასეთი პარტნიორობისთვის პროგრამა არანაირ ფასდაკლებებს არ ითვალისწინებს.
ბანერული რეკლამა აღქმის სიღრმით ბევრად უთმობს „ბუნებრივს“ (native), ისეთს, რომელიც ყურადღების მისაქცევად მომხმარებელს იმ კონტენტს სთავაზობს, რომელიც მისთვის სასარგებლოდ მიიჩნევა. ამ თვალსაზრისით, საქმის მცოდნეთა აზრით, Facebook უფრო პერსპექტიული მოედანია, ვიდრე YouTube. მოენი მშვიდია, ის დარწმუნებულია, რომ

Google-ის სასარგებლოდ იმუშავებს ე.წ. „რეკლამა ჩართვით“ (engagement). ეს არის არა უბრალოდ სტატიკური ბანერი, არამედ სრულყოფილი ინტერაქტივი, რომელიც მოიცავს ვიდეოს, თამაშებს, პროგრამებს მობილურისთვის და ამ ყველაფრით ის მომხმარებელს შეუმჩნევლად „ითრევს“, ისიც საკმარისია, რომ მან მინიმალური ინტერესი გამოიჩინოს და სარეკლამო ბლოკზე სულ რამდენიმე წამით შეჩერდეს.

ცოტა ხნის წინ Samsung-მა რამდენიმე მილიონიანი აუდიტორია შეაგროვა, რომლებმაც ახალი სმარტფონისა და „ჭკვიანი საათის“ პრეზენტაციას პირდაპირი ტრანსლაციით უყურეს, ხოლო 2013 წლის ივნისში Burberry-მ დაიწყო, ალბათ, ყველაზე კრეატიული კამპანია, რომელიც Google-ის იმპერიის ფუნქციონალური რეკლამის დახმარებით შეიქმნა: დისპლეური და მობილური რეკლამა მომხმარებლებს სთავაზობდა თავიანთი ტუჩებისთვის სურათი გადაეღოთ და ელექტრონული კოცნა სილუეტის სახით საყვარელი ადამიანისთვის გაეგზავნათ.
ასეთი ტრიუკები მართლა მუშაობენ. „რეკლამა ჩართვით“ ბრენდებს ორჯერ ძვირი უჯდებათ ჩვეულებრივი ბანერებისგან განსხვავებით. ღირებულებაში სხვაობა დამოკიდებულია პროექტის სირთულეზე.

რეკლამის დამკვეთებს უკვე აქვთ კრიტერიუმების დამაჯერებელი სისტემა, რომელიც მათ აძლევთ რეკლამის მნახველთა რეალურ სტატისტიკას. თავის დროზე კომპანიებმა უარი თქვეს ფული გადაეხადათ ბანერის ნახვისთვის და მას „კლიკები“ ამნჯობინეს. და მაინც, Google-სთვის ბრენდინგული პროექტები გამოწვევად რჩება, ისინი მიჩვეულები არიან ცივ, არითმეტიკულ გათვლაზე ორიენტირებას და არა ბრენდის აღქმის ემოციურ კატეგორიებს.

YouTube Space LA-ის „შტაბი“, ე.წ. „ოცნებების ფაბრიკა“ სტუდიებისა და გადასაღები პავილიონების, კამერების, სანათი მოწყობილობებისა და რეკვიზიტების სიმრავლეს წარმოადგენს. ეს არის 4000 კვადრატულ მეტრზე გადაჭიმული სივრცე, რომელიც მსოფლიოში ონლაინ-ვიდეოკონტენტის უმსხვილესი მწარმოებელია.
ამბიციური პროექტის დახმარებით, ვიდეოჰოსტინგს იმედი აქვს, რომ ძირეულად შეცვლის მასზე წარმოდგენას, როგროც „სასაცილო ვიდეოროლიკების საიტზე“. გზავნილი განკუთვნილია მსხვილი რეკლამის დამკვეთებისთვის, რომლებიც კონსერვატიულად ფიქრობენ, რომ ფული „ეკრანზე“ გასული რეკლამისთვის უნდა გადაიხადონ. რამდენიმე წლის წინ YouTube-მ 300 მილიონი დოლარის ინვესტირება მოახდინა მაღალი რანგის ვარსკვლავებისთვის პერსონალური არხების გასაკეთებლად, მან ასეთი დაახლოებით 200 არხი გააკეთა. ონლაინ-არხებს ჯერ არ შეუძლიათ პოპულარობით კონკურენცია გაუწიონ ტელევიზიებს, მათ უფლება მისცეს Google-ს საფასო პოლიტიკის დიფერენცირება გაეკეთებინათ და რეკლამის განთავსებისთვის განფასება აეწიათ, რომლებიც ორიენტირებული იქნებოდა კონკრეტული ცნობილი სახის გამომწერისთვის, შედეგმა არ დააყოვნა: 2013 წელს YouTube-ს სარეკლამო ამონაგები 51%-ით გაიზარდა 5,6 მილიარდ დოლარამდე, ხოლო კონტრაგენტებისთვის და მფლობელებისთვის ფულის გადახდის შემდეგ, ჰოსტინგმა Google-სთვის 2 მილიარდი სუფთა მოგების გენერირება მოახდინა.
გამოცდილება აჩვენებს, რომ ყველაზე პოპულარული YouTube-არხები მიჰყავთ არა „ოფლაინის“ ტრადიციულ ვარსკვლავებს, არამედ ახალგაზრდა ვიდეობლოგერებს, ისეთებს როგორებიც არიან: ფელიქს ჩელბერგი (PewDiePie) და ჯენი მარბლსი. ეს სახელები ახალგაზრდებში უაღრესად პოპულარულია, მაგრამ 30 წელს გადაცილებული ადამიანებისთვის არაფრისმთმელია. ასე რომ, სტანდარტული „სატელევიზიო“ მიდგომა ქსელურ აუდიტორიასთან არ მუშაობს. YouTube-ზე სარეკლამო ჰიტები იშვიათად გავს სატელევიზიო რეკლამას, რომელზედაც მიზანმიმართულად ნადირობს Google. ისინი ბევრად სოციალური და ინტერაქტიულია. აქაური რეკლამის დამკვეთები – American Express-დან General Electric-მდე, მორჩილად ცვლიან მარკეტინგულ ენას და ერგებიან დროის ცვლილებას.

მაგალითად, გასული წლის აპრილში Dove-მა YouTube-ზე ჩაუშვა „კამპანია ნამდვილი სილამაზისთვის“. ბრენდმა, რომელიც Unilever-ის იმპერიის ნაწილია, როლიკში მონაწილეობის მისაღებად მიიწვია სასამართლოს მხატვარი გამოძიების ფედერალური ბიუროდან (FBI), რომელმაც თანამიმდევრობით დახატა რამდენიმე ქალის ორი პორტრეტი, რომლებიც მას თვალით არ უნახავს, პირველი – ქალის აღწერით და მეორე – ქალებისთვის უცნობი ადამიანების აღწერით. გამოვიდა, რომ მეორე შემთხვევაში მხატვარი ბევრად მიმზიდველ სახეს ხატავდა, ხოლო ამ პროექტის გზავნილი ის იყო, რომ ქალები უფრო დიდი სიყვარულით მოპყრობოდნენ საკუთარ თავებს. უკვე მაისში მგრძნობიარე სამწუთიანმა რეკლამამ შეაგროვა 114 მილიონი ნახვა მთელი მსოფლიოს მასშტაბით და ამით სარეკლამო ონლაინ-როლიკებს შორის რეკორდი დაამყარა.

YouTube Space LA-ის ამოცანაა, მოაწყოს ისე, რომ უმსხვილეს ბრენდებს შეეძლოთ უფრო ფართო აუდიტორიაზე დაყრდნობა, თვეში მილიარდი ნახვა. YouTube-ის კონტენტ-დირექტორი რეგულარულად ატარებს შეხვედრებს PepsiCo-ს, Johnson & Johnson-სა და YouTube Space-ის სხვა კომპანიების წარმომადგენლებთან. სარეკლამო ტოპ-მენეჯერები ჰოლივუდში სისტემატურად დადიან ოთხდღიან „ვორკშოპებზე“, სადაც სწავლობენ, ვიდეო ისტორიების შექმნასა და YouTube-არხების წაყვანას.
Google-ს ყველა შანსი აქვს წარმატებას მიაღწიოს წამოწყებულ საქმეში – სარეკლამო ბაზრის ტრანსფორმაციაში. მან იცის ციფრული რეკლამა როგორ გაათავისუფლოს სუსტი ადგილებისგან და ეს მხოლოდ დროის ამბავია.