მარკეტინგული ომები

ავტორის სტილი დაცულია

ანა კახნიაშვილი
ივანე ჯავახიშვილის სახელობის თბილისის სახელმწიფო უნივერსიტეტის
ეკონომიკისა და ბიზნესის ფაკულტეტის III კურსის სტუდენტი
anakakhniashvili1@gmail.com

ანოტაცია

მოცემულ სტატიაში განხილულია მარკეტინგული ომები და მისი არსი. დღესდღეობით, მარკეტინგი მსოფლიოში ბიზნესის მამოძრავებელი ერთ-ერთი უმნიშვნელოვანესი ინსტრუმენტია და ის ყოველ დღე უფრო და უფრო ვითარდება და მეტ მნიშვნელობას იძენს მთელი მსოფლიოსთვის. მარკეტინგს ყველაზე მჭიდრო კავშირი აქვს მომხმარებლებთან სხვა ბიზნეს-მიმართულებებთან შედარებით. დღევანდელი მსოფლიო ისეთი კონკურენტულია, როგორც არასდროს, შესაბამისად, მარკეტინგული ღონისძიებების გატარების გარეშე ფირმას ძალიან გაუჭირდება გაუწიოს ჯანსაღი კონკურენცია სხვა ფირმას. ფირმები ათასობით თუ ათიათასობით დოლარებს ხარჯავენ, რომ გააკეთონ რეკლამა, რომელიც მომხმარებელზე დადებით ზეგავლენას მოახდენს. ჩემს ნაშრომში განხილულია მარკეტინგული ომები. საინტერესოა, თუ როგორ უწევენ ფირმები ერთმანეთს კონკურენციას კანონიერი თუ არაკანონიერი გზებით. განხილულია მარკეტინგული ომების 4 ტიპი და ვნახავთ თუ რას აკეთებენ ფირმები ერთმანეთის დასამარცხებლად და ბაზარზე პირველობის მოსაპოვებლად. ბიზნესის წარმატება შეუძლებელია მარკეტინგის გარეშე. ყოველწლიურად უამრავი ახალი ფირმა იხსნება და თუ გვინდა სამომავლოდ ჩვენი ბიზნესი წარმატებული იყოს, აუცილებლად ღრმად და საფუძვლიანად უნდა შევისწავლოთ მარგეტინგის არსი და გავიგოთ როგორ უნდა გავუწიოთ კონკურენცია სამართლიანად ჩვენს მეტოქეებს, რომ კანონიერი გზით მოვიპოვოთ და შემდეგ წლების განმავლობაში შევინარჩუნოთ ბაზარზე მოწინავე ადგილი და მომხმარებლების ერთგულება.

Annotation

This article discusses marketing wars and their essence. Today, marketing is one of the most important tools in business in the world and it is developing more and more every day and gaining more importance for the whole world. Marketing has the closest connection to customers compared to other business areas. Today’s world is as competitive as ever, therefore without marketing measures a firm will find it very difficult to compete healthily with another firm. Firms spend thousands or tens of thousands of dollars to advertise that will have a positive impact on consumers. My article discusses marketing wars. It is interesting how firms compete with each other in legal or illegal ways. 4 types of marketing wars are discussed and we will see what firms do to defeat each other and gain market dominance. Business success is impossible without marketing. Lots of new firms are opened every year and if we want our business to be successful in the future, we must deeply and thoroughly study the essence of marketing and understand how to compete fairly with our competitors to gain legitimacy and maintain a leading market position and customers for years to come.

რა არის მარკეტინგი?
ტერმინი „მარკეტინგი“ XX საუკუნეში აშშ-ში წარმოიშვა, თუმცა მარკეტინგული მიდგომები საუკუნეების განმავლობაში არსებობდა და დროის გასვლასთან ერთად თანდათან იხვეწებოდა. მარკეტინგმა ბოლო 2 საუკუნის განმავლობაში დიდი პროგრესი განიცადა. განსაკუთრებით კი ბოლო ათწლეულს ეხება. ყოველწლიურად ახალი შესაძლებლობა ჩნდება. სრულიად ახალი მეთოდებისა და მიდგომების შემუშავება ხდება საჭირო, ვინაიდან სამყარო ყოველდღიურად ვითარდება. მარკეტინგი ბევრად მეტი ხდება ვიდრე უბრალოდ სახელმძღვანელოებში და ინტრენეტში ვკითხულობთ. ეს არის უწყვეტი ინფორმაციის მიღებისა და გადამუშავების პროცესი. თანამედროვე ცვლილებების ტემპი ალბათ ყველაზე მაღალია მარკეტინგის სფეროში და შესაბამისად, წარმატების მისაღწევად უწყვეტი ინოვაციური განვითარებაა საჭირო. 1.( ფერაძე ილია, „მარკეტინგული კომუნიკაციები“ წიგნი II ,თბილისი 2010, )

მარკეტინგის უამრავი განმარტება არსებობს და ყველა ადამიანი შესაძლოა ამ სიტყვას სხვადასხვანაირად განმარტავდეს. იგი კომუნიკაციის თანამედროვე საშუალებაა, რომელიც ერთმანეთთან მჭიდროდ აკავშირებს ბიზნესს და მომხმარებელს. იგი განსაზღვრავს ფირმის იდენტობას, ბაზარზე მის პოზიციას და კონკურენტებთან შედარების უპირატესობებს. ბიზნესით დაკავებულმა ადამიანებმა კარგად იციან რომ ხარისხიანი საქონლის შექმნა არ არის საკმარისი ბაზარზე დამკვიდრებისთვის. წარმატებისთვის აუცილებელია ბაზარზე ხანგრძლივი არსებობისთვის გამონახონ გზები, მოიზიდონ მყიდველები, თავიანთი პროდუქტი კარგად გააცნონ მომხმარებლებს და უფრო მიმზიდველი გახადონ პროდუქრი. სწორედ ამისთვის ეხმარება მარკეტინგი ფირმებს.

სწორი მარკეტინგული სტრატეგიის შერჩევის მიზნით, აუცილებელია რომ კარგად შევისწავლოთ ადამიანის საჭიროება, რომელიც განსაზღვრავს მოთხოვნილებას ხოლო ეს თავისმხრივ წარმოშობს ბაზარზე მოთხოვნას. მოთხოვნა არის მრავალი სახის. ადამიანები თავიანთ სურვილებს და მოთხოვნილებებს იკმაყოფილებენ ბაზარზე არსებული სხვადასხვა საქონლის მეშვეობით. საქონლის არჩევაზე მნიშვნელოვან გავლენას ახდენს ფასი და ხარისხი.

მარკეტინგის მაგალითები გვხვდება ყველგან: სოციალურ ქსელებში, აბრებზე, ბროშურებზე,ტელევიზორში და ყველგან სადაც რეკლამის განთავსებაა შესაძლებელი. ფირმის წარმატება თითქმის შეუძლებელია მარკეტინგის არარასებობის შემთხვევაში. ამ სფეროს აქტიურად იყენებენ ფირმები ყველა ქვეყანაში. ფირმებისთვის მარკეტინგი საქონელზე მოთხოვნის შექმნის, რაც შეიძლება დიდი ხნით მისი შენარჩუნების და ამ გზით მოგების მიღების უმნიშვნელოვანესი საშუალებაა.

ერთ სლოგანს თუ ფოტოს შეუძლია დიდი ზეგავლენა მოახდინოს ადამიანზე თუ იგი სწორადაა შერჩეული. ამის კარგი მაგალითია ფირმა “nike”-ს სლოგანი „just do it“. ეს სლოგანი ფირმას დაეხმარა წინსვლაში და ბევრი მარკეტოლოგის აზრით, სწორედ ამ წინადადების გამოჩენის შემდეგ ფირმის გაყიდვების მოცულობა რამდენიმეჯერ გაიზარდა.

მარკეტინგული ომების არსი

იშვიათია წარმატების მიღწევა კონკურენციის გარეშე. ფირმებს კონკურენცია აძლიერებთ. ფირმები მუდამ უპირისპირდებიან ერთმანეთს : უტევენ, უკან იხევენ, იპყრობენ და ავიწროვებენ ერთმანეტს, იმარჯვებენ და შეიძლება დამარცხებულებმაც დატოვონ ბაზარი. ზოგ შემთხვევაში წაგებული მხარე იძლებელია დატოვოს ბაზარი, დახუროს საწარმოები და დაითხოვოს თანამშრომლები. გამარჯვებული მხარე კი უფრო ძლიერდება, ხსნის მეტ საწარმოს, ეზრდება გაყიდვების მოცულობა და მდიდრდება.
• მარკეტინგის სპეციალისტებს მითითებული აქვთ მარკეტინგული ომების ოთხი ტიპი, ესენია: 2.( Ries , Trout “marketing warfare”, 2016)
• თავდაცვითი ომი
• შეტევითი ომი
• ფლანგური შეტევა
• პარტიზანული ომი

თითოეულ ტიპს აქვს თავისი სტრატეგია და ტაქტიქა, რომელიც ნამდვილ სამხედრო სტრატეგიებს ჰგავს რაღაცით. მაგალითად თავდაცვითი გამოყენებისას ლიდერი კომპანია მუდამ უნდა მოძრაობდეს და მოქმედებდეს, რათა მოძრავი სამიზნე რთული გასადაგურებელია. ლიდერმა ბაზარს უნდა შესთავაზოს მუდამ სიახლეები რათა კონკურენტენტმა ვერ მოასწროს მისი დაწევა და ვერ მოახეროს თავდახმა. თავდაცვის არსებობისას ასევე გამოიყენება ჩასაფრების მეთოდი. ამ დროს ლიდერი ფირმა ელოდება ნაბიჯებს კონკურენტებისგან, ამზადებს გარკვეულ სტრატეგიას მის გასანადგურებლად. ფირმები ზვერავენ ერთმანეთს, ცდილობენ მოისყიდონ კონკურენტი ფირმის თანამშრობლები, ეწევიან სარეკლამო კამპანიების რევიზიას, ტექნოლოგიური სიახლეების ქურდობას და სხვა არაკანონიერ ქმედებებს.

შეტევითი ომის დროს ფირმა ცდილობს პირდაპირ შეუტიოს კონკურენტს. ცდილობს ხაზი გაუსვას მის ნაკლოვანებებს, შეცდომებს და სხვისი დამარცხების ფონზე მოახდინოს თავისი გაყიდვების მოცულობის გაზრდა. შეტევითი ომის ერთ-ერთ პირველ მაგალითად შეიძლება მოვიყვანოთ თითმქმის 300 წლის წინ ამერიკელი გამომგონებლის ბენჟამინ ფრანკლინის მაგალითი. მან გამოიგონა ღუმელი, რომელსაც დღესაც ფრანკლინის ღუმელს უწოდებენ, და ამით ომი გამოუცხადა ერთ-ერთი ფირმის პროდუქტს, რომელიც იმ დროისთვის მოსახლოების გათბობის ძირითადი საშუალება იყო, ეს იყო ცეცხლის ღია ბუხარი. ფრანკლინმა მიაგნო კონკურენტის სუსტ მხარეებს და სწორედ მის ნაკლოვანებებს გაუსვა ხაზი, ამ ტაქტიკით შეძლო ბაზარზე მოწინავე ადგილის დაკავება. მან გამოაქვეყნა გაზეთში რეკლამა( ფერაძე, 2010, გვ200) : “შეიძინეთ “პენსილვანიის ღუმელი” რადგანაც ღია და კაშკაშა ცეცხლი ვნებს თვალებს, აშრობს კანს, აჩენს ნაოჭებს და იწვევს ადრეული დაბერების სიმპტომებს”. ფრანკლინმა მიაგნო კონკურენტის სუსტ მხარეებს და სწორედ მის ნაკლოვანებებს გაუსვა ხაზი, ამ ტაქტიკით შეძლო ბაზარზე მოწინავე ადგილის დაკავება.

მესამე ტიპია ფლანგური შეტევები. ეს გულისხმობს სიტუაციას, როცა ორი ან მეტი ბუმბერაზი კომპანია იბრძვის პირველობისთვის და ამ დროს საიდანღაც ბაზარზე ჩნდება სხვა კომპანია და იკავებს მოწინავე ადგილს. წლების განმავლობაში „mcdonalds“ და „burger king“ იბრძვიან პირველობისთვის. და ამ დროს გამოჩნდა “subway” და შეუმჩნევლად ბაზარზე მესამე ადგილი დაიკავა. მარკეტოლოგებმა ეს გაანალიზეს და დაასკვნეს რომ ზემოთ ხსენებულ 2 კომპანიას აქვს პროდუქციის ძალიან დიდი არჩევანი, რაც მიუღებელია ზოგიერთი მომხმარებლისთვის. “subway”-ს მომხმარებლები ძალიან სწრაფად იღებენ საჭირო მომსახურებას, რადგან მათ აქვთ მხოლოდ ერთი ტიპის პროდუქტი
მეოთხე და ყველაზე გავრცელებული ტიპია პარტიზანული ომი.ადგილობრივ ბაზრებზე ზოგიერთი კომპანია ცდილობს თავისი ფირმის სახელი ან ლოგო მიამსგავსოვ რომელიმე ცნობილ ბრენდს. ესეთი ფირმები ცდილობენ სახელი შეუცვალონ 1 ან 2 ასოთი და ამით შეცდომაში შეიყვანონ მომხმარებლები. ასეთი ძალიან ბევრი შემთხვევა არსებობს, რომელიც ხშრად სასამართლოში სრულდება ხოლმე.

• „კოკა-კოლას“ სარეკლამო პოლიტიკა 3. (ფერაძე ილია, “მარკეტინგული კომუნიკაციები-რეკლამის ისტორია” წიგნი I, )

1886 წლის მაისში, ჯონ პამბერ-ტონმა ახალი რეცეპტით სიროფი დაამზადა. სიროფი შედგებოდა აფრიკული კაკლის „კოლას“ და ძლიერი სტიმულატორის „კოკას“ ხის ფოთლების ნაყენისგან, ასევე მესამე ინგრედიენტი იყო კოფეინი. წლების მანძილზე „კოკა-კოლას“ წარმატება სწორმა და მარკეტინგზე დაყრდნობილმა სარეკლამო კამპანიებმა განსაზღვრა, ისინი დროის მოთხოვნის მიხედვით იცვლიდნენ როგორც მიზნობრივ აუდიტორიას, ასევე პოზიციას. 1985 წელს კოსმოსში მოხვდა „კოკა-კოლა“.ამ მიზნით სპეციალური ქილები გამოუშვეს დასალევი ღეროთი. დაბრუნებულ კოსმონავტებს კომპანია სარეკლამო მიმართვით დახვდა: „კეთილი იყოს თქვენი დაბრუნება დედამიწაზე, „კოკა-კოლას“ სამშობლოში“. (ფერაძე, 2010წ, გვ219)

1985 წელი აღინიშნა ფირმის ერთ-ერთ ყველაზე დიდ მარცხად. კომპანია „პეპსიკომ“, კონკურენტის თავგზის ასაბნევად, გამოკვლევის შედეგები გამოაქვეყნა, რომ მოსახლეობას უფრო მეტად სასმელის ტკბილი გემო მოსწონდა. „კოკა-კოლა“ წამოეგო ამ ხრიკს და სასმელს შაქრის შემცველობა დაუმატა. აღნიშნულმა სიახლემ მოსახლეობის აღშფოთება გამოიწვია და ოფისში დღეში 8 ათასი უკმაყოფილო მომხმარებლის ზარი შედიოდა. კომპანიამ სასწრაფოდ დააბრუნა ძველი რეცეპტი და შესაბამისი ხარჯებიც გასწია, თუმცა ამ დროს „პეპსიმ“ უკვე პირველი ადგილი დაიკავა ბაზარზე.
„კოკა-კოლამ“ აგრესიული სარეკლამო პოლიტიკა დაიწყო და რამდენიმე წელში პირველობა დაიბრუნა.

2003 წელს დაიწყეს ახალი კამპანია „ცხოვრება გემრიელია“, თუმცა, ამ დევიზით კანადაში უფრო ადრე იყო სხვა პროდუქტის რეკლამირება დაწყებული. საქმე სასამართლომდე მივიდა და იგი დღემდე არ გადაწყვეტილა. ამჟამად „კოკა-კოლას“ რეკლამები გადის სხვადასხვა ძველი სლოგანებით, ძირითადად კომპიუტერული გრაფიკის ეფექტების გამოყენებით, კომპანია ცდილობს აღნიშნული ეფექტებით დაიპყროს ახალგაზრდა თაობის ბაზარი.

სულ ბოლო დროს პრესაში გაჩნდა სენსაცია, რომელსაც სხვა ჭრილში გადაჰყავს არა მხოლოდ „კოკა-კოლას“ და მისი კონკურენტის ურთიერთობები, არამედ თანამედროვე ბიზნესის წარმოების ახალ წესებს წარმოადგენს. „კოკა-კოლას“ ერთ-ერთმა მენეჯერმა ქალმა ჯოია უილიამსმა, ფულის აღების მიზნით, გადაწყვიტა „კოკა-კოლას“ მარკეტინგული საიდუმლოს „პეპსისთვის“ მიყიდვა 1.5 მილიონ დოლარად. ეს „კოკას“ ახალი პროდუქტის რეცეპტი იყო, რომელიც ბაზარზე ჯერ არ გამოსულა. „პეპსიკომ“ ამის შესახებ „კოკა-კოლას“ აცნობა და ერთობლივი მცდელობით ჯოია უილიამსი ფულის აღების მომენტში დააკავეს, გაასამართლეს და 7 წლით პატიმრობა მიუსაჯეს. ის წარმოადგენს იმ ახალი ფასეულობების მაგალითს, რაც დიდ ბიზნესში 21-ე საუკუნის დასაწყისისთვის ჩამოყალიბდა. ბიზნესი სუფთა ხელებით უნდა აკეთო!

მარკეტინგული ომები საქართველოში

კონკურენტ ბრენდებს შორის მარკეტინგული ომები ერთ-ერთი ყველაზე საინტერესო საყურებელია განსაკუთრებით მომხმარებლისთვის.
ასეთი სარეკლამო კინკლაობები ყოველთვის არაპირდაპირი უნდა იყოს და რაც უფრო რთულად გამოსაცნობი მინიშნება გაჟღერდება კონკურენტის მისამართით, მით უფრო ხარისხიანად ჩაითვლება ბრენდის მარკეტინგული სტრატეგია:

რამდენიმე წლის წინ, თბილისში „მაგთი“ და „ჯეოსელი“ დაუპირისპირდნენ ერთმანეთს. „ჯეოსელის“ ერთ-ერთი ოფისის თავზე გამოჩნდა დიდი ბანერი, რომელიც ეკუთვნოდა „მაგთის“ და ბანერზე დიდი ასოებით ეწერა: „მხოლოდ მაგთ“. ამის შემდეგ პასუხმაც დიდხანს არ დააყოვნა და მალევე „ჯეოსელმა“ საპასუხოდ ფეისბუქის „ჰაჰა“ რეაქცია გამოიყენა.

თბილისში ამჯერად ერთმანეთს ორი ახალი ბრენდი — REDMED და Ekimo დაუპირისპირდა. 4.(on.ge)

Ekimo-მ საკუთარი ახალი საკომუნიკაციო მესიჯით კონკურენტის ბილბორდებზე ადგილობრივი დარტყმები მიიტანა, საპასუხოდ კი REDMED-მა არსებული ბანერი ახლით ჩაანაცვლა და Ekimo-ს მიერ დასმულ კითხვა “როგორ ხარ”-ს პასუხი ასე გასცა: “გაიგე მარტივად – REDMED.GE”.

REDMED-ი Ekimo-ს კითხვაზე პასუხის მარტივად გასაგებად კი მომხმარებელს თერაპევტთან უფასო დისტანციურ კონსულტაციას სთავაზობს.

ასევე, კიდევ ერთი საინტერესო მაგალითი ეხება „სერგოს ნაზუქს“, რომელიც წლების განმავლობაში ერთ-ერთ საუკეთესოდ ითვლება და აქტუალურობას არ კარგავს. „სერგოს“ ჯიხურის გვერდით გაკეთებულია აბრა წარწერით „არც ჩემია ნაკლები“.

6 რამ რაც მარკეტინგულ სტრატეგიას სჭირდება
რამდენადაც წარმატებულად და შემართებით არ უნდა დავიწყოთ ბიზნესი, მარკეგინგული გეგმის გარეშე ბიზნესის წარუმატებლობა გარდაუვალია. შემოგთავაზებთ რამდენიმე ნაბიჯს რომელიც ბიზნესის წარმატების საწინდარია. 5.(რომა ჩაჩავას სტატია „შესავალი მარკეტინგში“ )

1. შენს მარკეტინგს სჭირდება USP (USP – Unique Selling Point – უნიკალური შეთავაზება)
ნებისმიერი მარკეტინგული სტრატეგია მოძრაობს USP-ს გარშემო. თუკი მკაფიოდ და მომხიბვლელად ვერ აღვწერთ ჩვენი ფირმი უნიკალურობას, მაშინ პოტენციური კლიენტი მიიჩნევს, რომ არაფრით განსხვავდება ჩვენი ფირმაკონკურენტებისგან. ინოვაციური პროდუქტი, ინოვაციური საქონელი ან რაიმე ახლის შეთავაზება დაგვეხმარება ბიზნესში. სიახლე და ინოვაცია ყოველთვის იზიდავს მომხმარებელს.

2. დაისახე მიზანი!
თუკი არ ვიცით რას უნდა ივაღწიოთ, ვერაფერს მიაღწევ. მხოლოდ მოგების მაქსიმიზაცია არ უნდა იყოს ფირმის მიზანი. საჭიროა მიზნის წარმატებით მისაღწევად საუკეთესო საშუალებად დაბალანსებული მაჩვენებლების სისტემა გვესახება, რომლის დახმარებით შეგვიძლია საკუთარ მიზნამდე ადვილად მივიდეთ. დავახარისხოთ მოქმედებები კატეგორიების მიხედვით, რომლებსაც რამდენიმე ადამიანზე ან განყოფილებაზე გავანაწილებთ. სამუშაოს დანაწილების შემდეგბ საკუთარი საქმე ყველას უკეთ ეცოდინება და ყველაფერი გაცილებით მარტივია მაშინ, როცა იცი, კონკრეტულად რა ნაბიჯები უნდა გადადგა ამა თუ იმ მიზნის მისაღწევად.

3. მარკეტინგული სტრატეგია უნდა მიემართებოდეს კონკრეტულ აუდიტორიას

რა თქმა უნდა, ყველა ბიზნესმა იცის, თუ ვისთვისაა მისი პროდუქტი ან მომსახურება განკუთვნილი, თუმცა შეცდომას მაშინ დავუშვებთ, თუკი მივიჩნევთ, რომ ერთი მარკეტინგული კამპანია მომხმარებელთა ყველა კატეგორიაზე ერთნაირი წარმატებით იმუშავებს. სწორად უნდა შევარჩიოთ მომხმარებელი და სოწრად მივაწოდოთ პროდუქტი. მაგალითად, უნდა გაითვალისწინო, რომ ახალგაზრდა ადამიანები უფრო მოიხმარენ სოციალური ქსელებს, შესამაბისად მათთან სოციალური ქსელით კომუნიკაცია ჯობია, ხოლო ასაკოვანი მოხმარებლისთვის უფრო ეფექტური ტელევიზორი იქნება. სტრატეგიას ცვლის არა მხოლოდ ასაკი არამედ სქესი, ადგილმდებარეობა, შემოსავალი.

4. მარკეტინგული სტრატეგია უნდა იყოს ადაპტირებული

ზოგჯერ ასეც ხდება – ფურცელზე იდეალურად დაგეგმილი პროექტი შესაძლოა ცხოვრებაში ისე არ ამუშავდეს, როგორც გვინდა. თუ ჩვენმა იდეალურად დაგეგმილმა კამპანიამ შედეგი ვერ მოიტანა, აუცილებელია რომ შევცვალოთ და ჩავანაცვლოთ რაღაც ახლით.

5. შენს მარკეტინგულ სტრატეგიას სჭირდება ექსპერტიზა

ბევრ კომპანიას არ აქვს დრო მომხიბვლელი მარკეტინგული სტრატეგიის შექმნისა და რეალიზაციისთვის. კომპანიებს, რომლებსაცსაკუთარი მენეჯერები ჰყავთ, მაინც დგებიან სპეციალური დახმარების საჭიროების წინაშე. მნიშვნელოვანია, გვერდით გვყავდეს ისეთი სპეციალისტები, რომლებმაც იციან, თუ როგორ და რა ხერხებით მოიზიდონ მომხმარებელი, როგორ შექმნან მარტივი მაგრამ ეფექტური ვებ-გვერდი, როგორ სრულყონ USP და როგორ გამოიყენონ ბაზარი სწორად და ყველასთვის სასარგებლოდ.

6. მარკეტინგული სტრატეგია იზომება მიღწეული წარმატებით

წარმატების მიღწევა მარტივია, თუმცა რთული მისი შენარჩუნებაა. აუცილებელია აღვწეროთ ჩვენიი ბიზნესის ყველა წარმატება, ზედმიწევნით კარგად ვიცოდეთ, თუ რომელმა კამპანიამ რა შედეგი გამოიღო და გაამართლა თუ არა მიზანმა საშუალება. თუკი ვხედავთ, რომ რომელიღაც კამპანიამ წარმატება მოგვიტანა, გავყევთ მას, გავუმჯობესოთ და მოვიგოთ მომხმარებლის გულები

დასკვნა

მოცემულ სტატიაში განვიხილეთ მარკეტინგული ომები, მარკეტინგის არსი და მისი მნიშვნელობა. მოგვეხსენება, ბიზნესის განვითარება და საერთოდ მისი ფუნქციონირება მარკეტინგის გარეშე, ნამდვილად წარმოუდგენელია. ჩვენ უნდა გვესმოდეს, რომ მარკეტინგი ბევრად უფრო დიდი და ფართო ცნებაა, ვიდრე პრომოუშენი, რეკლამირება ან გაყიდვა. თავისი ყველაზე უფრო მომცველი მნიშვნელობით, მარკეტინგი ქოლგა-ტერმინია, მის შინაარსში შედის საწარმოს პოზიცია ბაზარზე თანასწორთა შორის, მის მიერ ბაზრის იმ სიცოცხლისუნარიანი სეგმენტების შერჩევა, რომელსაც თავად მოემსახურება და მისი კონკურენტული უპირატესობა. მარკეტინგი, ეს არის უწყვეტი ინფორმაციის მიღებისა და გადამუშავების პროცესი.
ხოლო რაც შეეხება მარკეტინგულ ომებს, ცხადია, ბიზნესის გლობალიზაციამ სარეკლამო საქმიანობა გახადა გლობალური, კონკურენცია გადავიდა მძლავრი ზრდის სტადიაში, შეიძინა დინამიზმი და არნახული სიმძაფრე. წარმატების მიღწევა თითქმის შეუძლებელია კონკურენციის გარეშე. კონკურენცია კი ფირმებს აძლიერებს. ფირმები მუდამ უპირისპირდებიან ერთმანეთს : უტევენ, უკან იხევენ, იპყრობენ, ავიწროვებენ ერთმანეთს, იმარჯვებენ, ზოგჯერ კი მარცხდებიან.

ამგვარად, იმისათვის, რომ ჩვენი ფირმები იყოს წარმატებული, აუცილებლად გვჭირდება მარკეტინგის ყველა ასპექტის გამოყენება. თავის მხრივ, მარკეტინგის ასპექტებში შედის: სტრატეგიული მარკეტინგი, კონკურენტის კვლევა, საბაზრო პოზიციონირება, ბაზრის კვლევა და ბოლოს, მარკეტინგული მესიჯების მიწოდება. აღნიშნული ასპექტების გათვალისწინების შემთხვევაში, ბიზნესის წარმატების გარანტია იქმნება.

ლიტერატურა:

• მღებრიშვილი ბაბულია, ნუგზარ თოდუა, თბილისი2009, “მარკეტინგის საფუძვლები” . გამომცემლობა “უნივერსალი”
• ფერაძე ილია, “მარკეტინგული კომუნიკაციები” წიგნი II ,თბილისი 2010,
• ფერაძე ილია, “მარკეტინგული კომუნიკაციები-რეკლამის ისტორია” წიგნი I,
თბილისი 2011
• Ries, Trout “marketing warfare”, 2016
• რომა ჩაჩავას სტატია „შესავალი მარკეტინგში“, 2016წ
• edu.aris.ge
• www.culturepartnership.eu
• on.ge