მსოფლიო ბაზარი ივნისში

რედაქციისაგან
მოსფლიოს სავალუტო ბაზარი
მიმდინარე თვეს სავალუტო ბაზარზე საქმიანობისას ყურადღების ცენტრში უნდა დარჩეს ისეთი ინდიკატორები, როგორიცაა საპროცენტო განაკვეთები და მათზე მოსალოდნელი პროგნოზები, სხვადასხვა რეგიონების ეკონომიკური დინამიკა და გეოპოლიტიკური მოვლენები. რაც შეეხება განაკვეთების საკითხს, მას შემდეგ რაც ევროპის ცენტრალურმა ბანკმა ივნისის დასაწყისში საპროცენტო განაკვეთები 25 ბაზისური პუნქტით 4.0%-მდე აწია, შემდგომი პროგნოზების გაკეთება ცოტა რთულია.

თუ ცენტრალური ბანკის ამ გადაწყვეტილებამდე ინვესტორების უმრავლესობა განაკვეთების ასეთ აწევას კიდევ ორჯერ ელოდებოდნენ, მის შემდეგ, ეს პროცესი შეიძლება მხოლოდ ერთხელ განმეორდეს. მიუხედავად იმისა, რომ განაკვეთების ზრდა დადებითი ფაქტორია ქვეყნის ვალუტისთვის, ძნელად დასაჯერებელია, რომ ეს ევროს სასწრაფოდ გამყარებას გამოიწვევს. საქმე ისაა, რომ ტრეიდერების მნიშვნელოვანი წილი მიმართული იყო ევროპელი ჩინოვნიკების აგრესიული მოქმედებებისაკენ. ისინი რაც შეიძლება მალე შეცვალონ თავიანთ პროგნოზებს და შეამცირებენ ევროს შესყიდვის მოცულობას. გარდა ამისა, ძვირადღირებული ევრო ევროპელი მეწარმეებისათვის არც ისე მიმზიდველი იქნება. რაც შეეხება დოლარის კურსს, ის მაისში შედარებით სტაბილური გახდა. მიუხედავად იმისა, რომ აშშ-ის მშპ-ის ბოლო მაჩვენებელი არც ისე მაღალია, ეკონომიკური ინდიკატორები იმის იმედს იძლევიან, რომ აშშ-ის ეკონომიკური ზრდა წლის ბოლოსთვის გააქტიურდება. ეს კი იმას ნიშნავს, რომ ფედერალური რეზერვი ვითარების გამოსწორების იმედით საპროცენტო განაკვეთებს არ შეამცირებს. საპროცენტო განაკვეთების შემცირების წინააღმდეგ ინფლაციური რისკებიც მოქმედებს, რასაც ფედერალური რეზერვის ჩინოვნიკები ეყრდნობიან. ამგვარად დოლარს კიდევ აქვს შესაძლებლობა დაიბრუნოს ინვესტორების ნდობა. მით უმეტეს, რომ ამერიკის საფონდო ბაზარი არც ისე ცუდად იზრდება. რამდენად დიდი და ხანგრძლივი იქნება ამერიკული აქტივების მიმართ ინტერესი, ჯერ რთული სათქმელია, რადგან ქვეყნები, რომლებსაც მნიშვნელოვანი ოქროს სავალუტო რეზერვები აქვთ და მათ შესაძლო დივერსიფიკაციაზე ფიქრობენ, რაც დოლარზე მოთხოვნის შემცირებას გამოიწვევს. გარდა ამისა, არსებობს გეოპოლიტიკური რისკები – მოსალოდნელია აზიური ბაზრის ხანგრძლივი ვარდნა, რომელიც შესაძლებელია სხვა განვითარებად ბაზრებსაც გადაედოს. ამან შეიძლება დოლარი უფრო მიმზიდველი გახადოს.
მოსალოდნელია, რომ უახლოეს პერიოდში ევრო/დოლარის კურსი 1.3460-1.3700-ის ფარგლებში იქნება. თუ ევროზე ვერბალური ზეწოლა საპროცენტო განაკვეთების ზრდის პერსპექტივებზე ძლიერი იქნება, მაშინ ერთიანი ევროპული ვალუტის კურსის ზრდის პროგნიზი არ გამართლდება და ევრო/დოლარის კურსი 1.3325 და შემდგომში 1.3200 იქნება. ფუნტ/დოლარის წყვილი, ყიდვებისთვის უფრო მიმზიდველია ევროსთან შედარებით, რადგან დიდი ბრიტანეთის მიმდინარე საპროცენტო განაკვეთების დონე უფრო მაღალი, ვიდრე ევროზონისა. გარდა ამისა, არ არის გამორიცხული განაკვეთების გაორმაგება, რაც განპირობებულია ქვეყანაში ინფლაციის შედარებით მაღალი დონით და ეკონომიკის სტაბილური ზრდით. ინგლისის ბანკი სავარაუდოდ ზაფხულის პერიოდში არ გაზრდის საპროცენტო განაკვეთებს, მაგრამ ინვესტორებს შეუძლიათ ამ პერიოდიდან მოემზადონ. დოლარის კურსის გამყარების შემთხვევაში ფუნტი უფრო ძლიერ რეაგირებას მოახდენს. ფუნტი/დოლარის წყვილი შეიძლება 1.9000-მდე დაეცეს. დოლარი/იენის წყვილის სურათი უფრო ნათელია. იაპონელი ინვესტორები ზაფხულის სეზონში თავიანთი კაპიტალის გამოყენებას უცხოეთში შეეცდებიან. ეს კი იენის დასუსტებას გამოიწვევს. საერთო პროგნოზი კი დოლარის სასარგებლოდ რჩება.
აშშ დოლარი
ივნისში ამერიკული დოლარის ინდექსი აშშ-ის ეკონომიკის ფაქტიურ მონაცემებს შეესაბამებოდა. ინდექსის ზრდა განაპირობა სტატისტიკურმა მონაცემებმა, რომლის მიხედვითაც გაყიდვების ზრდის ტემპი, გარდა ავტომობილებისა, სეზონური ცვლილებების გათვალისწინებით და წლიური გამოანგარიშებით, პირველი კვარტAლის მონაცემებთან შედარებით გაიზარდა. ეს თავის მხრივ მოხმარების ზრდაზე მიუთითებს, რაც მეორე კვარტალში ქვეყნის მშპ-ის ზრდაზე დადებით ზეგავლენას მოახდენს. მოგვიანებით დოლარის ინდექსის ზრდას ხელი შეუწყო მწარმოებელთა ფასების ინდექსმა, რომელიც ეკონომისტების პროგნოზზე უკეთესი აღმოჩნდა (0,9%, 0,6%-თან შედარებით), რაც ინფლაციურ ზემოქმედებაზე მიუთითებს, რომლის წინააღმდეგ ბრძოლა საპროცენტო განაკვეთის მატება იქნება. მაგრამ ამისთვის აუცილებელია, ქვეყნის ეკონომიკის ზრდის ტემპი მეორე კვარტალში უკეთესი იყოს, ვიდრე პირველში, მაგრამ ამის იმედს საწარმო სექტორის მაჩვენებლები არ იძლევა. მეწარმეობა მაისის თვეში ნულოვან დონეზე იყო, ამასთან ანალიტიკოსები 0,1%-იან ზრდას ვარაუდობდნენ, აპრილში ეს მაჩვენებელი 0,7%-დან 0,4%-მდე შემცირდა. “ცეცხლზე ნავთის დასხმის” ეფექტი მოახდინა ასევე მომხმარებელთა ინდექსმა, რომელიც ზრდის ნაცვლად 83,7-მდე შემცირდა.
აშშ-ის ეკონომიკის პროგნოზები მომავალი კვირისთვის
ივლისში დოლარი შედარებით სტაბილური იქნება. ასევე მოსალოდნელია მშენებლობის სექტორში მრავალმიმართულებიანი მაჩვენებლები: მშენებლობებზე ნებართვების უმნიშვნელო ზრდა (პროგნოზი 1,47 მლნ, 1,46 მლნ-თან შედარებით) და მშენებლობების დაწყების 1,53 მლნ-დან 1,48 მლნ-მდე შემცირება. აშშ-ის დოლარზე დადებითად იმოქმედებს შემდეგი მაჩვენებლები: წინმსწრები ინდიკატორების ინდექსი (პროგნოზი – 0,2%, -0,5%-თან შედარებით); ფილადელფიის საწარმო ინდექსი (პროგნოზი 7,5, 4,2-თან შედარებით).
აშშ-ის ეკონომიკის ეკონომიკური სტატისტიკის მონაცემების მიხედვით, ინდექსის ცვლილება დამოკიდებული იქნება სხვა რეგიონებში აშშ დოლარის შესაძლო გამყარების მაჩვენებლებზე.
ევროზონის მაკროეკონომიკური მაჩვენებლები ივნისში
ივნისში დაწყებული ევროს ინდექსის ვარდნა ისევ გრძელდება, რასაც ევროზონის და ასევე იტალიისა და საფრანგეთის წარმოების დაბალმა მაჩვენებელმა შეუწყო ხელი. ამის შედეგად ინდექსმა მინიმალური მაჩვენებელი – 2,4556 შეადგინა. შუა თვეში ევროპის ვალუტამ ნელ-ნელა გამყარება დაიწყო, რაც ევროპის ცენტრალური ბანკის წევრების, იმის შესახებ განცხადებამ გამოიწვია, რომ მონეტარული პოლიტიკის გამკაცრების ციკლი ჯერ არ დასრულებულა. თვის ბოლოს ევროს ზრდის ტემპები გაძლიერდა EUR/JPY-ის წყვილის 150 პუნქტით გაზრდის ხარჯზე, რაც გამოწვეული იყო იაპონური იენის ბაზრის მთელ სპექტრზე დასუსტებით.