მომავლის ვალუტა ბიტკოინი–კრიპტოვალუტა

25/02/202125/02/2021 Admin

ავტორის სტილი დაცულია

ნიკა მელიქიშვილი
ივანე ჯავახიშვილის სახელობის თბილისის სახელმწიფო უნივერსიტეტის
ეკონომიკისა და ბიზნესის III კურსის სტუდენტი
Nika.meliqishvili.98@mail.ru

ანოტაცია

კრიპტოვალუტას ნამდვილად არ სჭირდება დიდი წარდგენა. ის საქართველოში, ისევე როგორც მთელ მსოფლიოში, ძალიან პოპულარულია. მას შედმეგ რაც პირველი კრიპტოვალუტა – ბიტკოინი გამოჩნდა, მსოფლიო ალაპარაკდა ტრანზაქციების ახალ, რევოლუციურ მოდელზე, რომელსაც შეუძლია სრულად შეცვალოს ჩვენი დამოკიდებულება ფულის მიმართ. დღეს გვაქვს არაერთი კრიპტო, რომელიც განსხვავდება ერთმანეთისაგან მახასიათებლებითა და ღირებულებით. ინტერესი კრიპტოს მიმართ ძალიან მაღალია, განსაკუთრებით ბოლო პერიოდში, მას შემდეგ, რაც ბიტკოინის ღირებულებამ ისტორიულ მაქსიმუმს მიაღწია, შეიძლება თქვენ ხართ დაინტერესბული ინვესტირების ამ საშუალებით. ასეთ შემთხვევაში შეგიძლიათ გაეცნოთ ამ სტატიას, რომელიც გაგაცნობთ, თუ რა არის კრიპტოვალუტა და ბიტკოინი. ასევე განხილულია ბოლო პერიოდში მიმდინარე მოვლენები და პროგნოზები.

Annotation

Cryptocurrency really does not need a big presentation. It is very popular in Georgia as well as all over the world. Since the appearance of the first cryptocurrency – Bitcoin, the world has been talking about a new, revolutionary model of transactions that can completely change our attitude towards money. Today we have a number of cryptocurrencies that differ from each other in features and value. Interest in cryptocurrencies has been very high recently, since bitcoin should help historically reach as much as you can if you are interested in investing in this medium. In any case you can read this article which will introduce you if there is no cryptocurrency and bitcoin. Recent developments and forecasts are also discussed.

რა არის კრიპტოვალუტა?

კრიპტოვალუტა არის გადახდის ფორმა, რომლის გაცვლა შესაძლებელია ინტერნეტით საქონელზე და მომსახურებაში. კრიპტოვალუტა მუშაობს ტექნოლოგიის გამოყენებით, რომელსაც ბლოკჩეინი ეწოდება. ბლოკჩინი არის დეცენტრალიზებული ტექნოლოგია, რომელიც ბევრ კომპიუტერშია გავრცელებული, რომელიც მართავს და აღრიცხავს ოპერაციებს. ამ ტექნოლოგიის მიმზიდველობა მისი უსაფრთხოებაა.

CoinMarketCap.com– ის ვებ – გვერდის თანახმად, 6,700 – ზე მეტი სხვადასხვა კრიპტოვალუტით ვაჭრობა ხორციელდება საჯაროდ და კრიპტოვალუტები განაგრძობენ გამრავლებას, CoinMarketCap– ის თანახმად, ყველა კრიპტოვალუტის საერთო ღირებულება 2021 წლის 18 თებერვალს 1,6 ტრილიონ დოლარზე მეტი იყო, ხოლო ყველაზე პოპულარული ციფრული ვალუტის მთლიანი ღირებულება $ 969,6 მილიარდ დოლარს შეადგენდა.

ცხრილი 1: ეს არის 10 უდიდესი სავაჭრო კრიპტოვალუტა საბაზრო კაპიტალიზაციის მიხედვით, მონაცემები შეესაბამება 2021 წლის 18 თებერვლის მდგომარეობას.

კრიპტოვალუტა	მთლიანი ღირებულება
Bitcoin	969,6 მილიარდი დოლარი
Ethereum	222,3 მილიარდი დოლარი
Tether	33,1 მილიარდი დოლარი
Binance Coin	30,5 მილიარდი დოლარი
Cardano	28,3 მილიარდი დოლარი
Polkadot	28,1 მილიარდი დოლარი
XRP	24,4 მილიარდი დოლარი
Litecoin	15 მილიარდი დოლარი
Chainlink	13,3 მილიარდი დოლარი
Bitcoin Cash	13,1 მილიარდი დოლარი

წყარო: https://www.nerdwallet.com/article/investing/cryptocurrency-7-things-to-know

კრიპტოვალუტის ღირებულება შეიძლება გაიზარდოს, მაგრამ ბევრი ინვესტორი მათ მხოლოდ სპეკულაციებად და არა რეალურ ინვესტიციებად თვლის. მიზეზი? ისევე, როგორც ნამდვილი ვალუტები, კრიპტოვალუტები არ წარმოშობენ ფულადი სახსრების ნაკადს, ასე რომ, მოგების მისაღებად, ვალუტისთვის ვიღაცამ უფრო მეტი უნდა გადაიხადოს ვიდრე თქვენ. მათთვის, ვინც კრიპტოვალუტას, მაგალითად, ბიტკოინს, მომავლის ვალუტად მიიჩნევს, უნდა აღინიშნოს, რომ ვალუტას სტაბილურობა სჭირდება, რათა სავაჭრო ობიექტებმა და მომხმარებლებმა დაადგინონ რა არის სამართლიანი ფასი საქონელზე.

კრიპტოვალუტის დადებითი მხარეები:

კრიპტოვალუტით ტრანზაქციები ძალიან იაფია;
დეცენტრალიზებულია, ანუ მყიდველისა და გამყიდველის გარდა მასში სხვა არავინ მონაწიელეობს – არც ცენტრალური ბანკი, არც რეგიონალური ბანკი და არც სახელმწიფო.
დაცულია ყოველგვარი ინფლაციისაგან, სახელმწიფოს ჩარევა გამორიცხულია, სწრაფია და გლობალური ანუ დედამიწის ნებისმიერ წერტილში შეიძლება მივიდეს.

კრიპტოვალუტის უარყოფითი მხარეები:

ტრანზაქცია არ არის დაზღვეული – როგორც წესი, ტრანზაქციის შემდეგ გადარიცხულ ვალუტას უკან ვეღარ დაიბრუნებთ და ვერც ვერავინ დაგიბრუნებთ ვერასდროს
თუ ელექტრონული საფულე ჰაკერების ხელში მოხვდა, რისი შანსიც მიზერულია, არც ამ შემთხვევაში გაგიმართლათ

საქართველო კრიპტო ფულის მოპოვებით , “მაინინგით” მსოფლიოში მესამე ადგილზეა. არა ერთი სამომხარებლო, სწრაფი თუ ავტო სესხი მოუთხოვიათ ქართველ მოქალაქეებს, რათა შეექმნათ მაინინგის ფერმები. ასე რომ, ქართველებს მოლოდინი აქვთ იმის, რომ ფულის ევოლუცია ახალ საფეხურზე გადადის და მისი მომავალი კრიპტოვალუტაა.

რა ახდენს გავლენას კრიპტოვალუტის ფასზე? მნიშვნელობა არ აქვს რეალური კრიპტოვალუტით ივაჭრებთ თუ მისი ფასის სპეკულირებით, ორივე შემთხვევაში მნიშნველოვანია სწორად განსაზღვროთ მისი ფასის მოსალოდნელი ცვლილებები. ეს გაცილებით მარტივი იყო ბიტკოინის შემთხვევაში მაშინ, როდესაც მისი ღიებულება მუდმივად იზრდებოდა. ბოლო პერიოდში კი, ბიტკოინს ყიდულობდნენ არა ფასის ანალიზის საფუძველზე, არამედ ოპტიმიზმის გამო. დღეს, როდესაც უამრავი სხვა კრიპტოვალუტა არსებობს კიდევ უფრო რთულია მისი ფასებზე პროგნოზების გაკეთება. ძირითადი მიზეზი, რაც განაპირობებდა ბიტკოინის ღირებულების ზრდას, იყო მისი პოპულარობა, რაც მეტ ადამიანს ჰქონდა მისი შეძენის სურილი, მით უფრო მეტად ძვირდებოდა იგი.

ყველაზე პოპულარული ციფრული ვალუტა–ბიტკოინი

არავინ იცის ვინ გამოიგონა ბიტკოინი, სატოში ნაკამოტო არის სახელი ან ადამიანთა ჯგუფი, ვინც 2008 წელს გამოაქვეყნა ორიგინალი ბიტკოინის თეთრი ქაღალდი და მუშაობდნენ ორიგინალი ბიტკოინის პროგრამულ უზრუნველყოფაზე, რომელიც გამოვიდა 2009 წელს. 2021 წლის თებერვლისათვის სატოშის ნამდვილი ვინაობა ბუნდოვანი რჩება. ბიტკოინი არის დეცენტრალიზებული ციფრული ვალუტა, ის არ ექვემდებარება რომელიმე ეროვნული მთავრობას და შეიძლება იყოს მდგრადი იმ გავლენის მიმართ, რომელსაც ინფლაცია ახდენს ტრადიციულ ვალუტაზე. ჩვეულებრივი ფულისგან განსხვავებით, რომლის დაბეჭდვაც ქვეყნის მთავრობას შეუძლია, ბიტკოინის შექმნა მხოლოდ მძლავრი კომპიუტერების საშუალებით ხდება, რომელსაც ეწოდება „მაინინგი“. ტრადიციული ვალუტებისგან განსხვავებით, რომლებსაც ზურგს უმაგრებს ოქრო და ვერცხლი, ბიტკოინის ღირებულება მოდის ნდობით, რომელიც ინვესტორებს აქვთ ბლოკჩეინის ქსელში. ბოლო თვეების განმავლობაში, ბიტკოინმა მიიღო ლეგიტიმურობის ახალი დონე. PayPal–ისა და Square–ის დახმარებით მათ 350 მილიონზე მეტ აქტიურ მომხმარებელს საშუალება მისცეს შეიძინონ და გაყიდონ მონეტა თავიანთ პლატფორმებზე. ეს კი ამყარებს ნდობას, რომ ბიტკოინი საბოლოოდ გახდება მთავარი ვალუტა.

ბიტკოინის გაგება: ბიტკოინის სისტემა არის კომპიუტერების კოლექცია (ასევე მოიხსენიება როგორც “კვანძები” ან “მეშახტეები”), ყველა აწარმოებს ბიტკოინის კოდს და ინახავს მის ბლოკჩეინს . მეტაფორულად, ბლოკჩეინი შეიძლება მივიჩნიოთ, როგორც ბლოკების კოლექცია. თითოეულ ბლოკში არის ოპერაციების კრებული. იმის გამო, რომ ბლოკჩეინზე მომუშავე ყველა კომპიუტერს აქვს ბლოკების და ტრანსაქციების იგივე ჩამონათვალი და გამჭვირვალედ ხედავს ამ ახალი ბლოკების შევსებას ახალი ბიტკოინის ტრანზაქციებით, ვერავინ შეძლებს სისტემის მოტყუებას.

ბიტკოინის ფასების ისტორია: covid 19-მა ხელი შეუწყო ბიტკოინის ზრდას

2016 წლის 1 იანვარს დაიწყო ბიტკოინის მდგრადი ზრდა. მან 2016 წელი 433 აშშ დოლარით დაიწყო და დასრულდა 959 აშშ დოლარით – 121 პროცენტიანი ღირებულების ზრდა 12 თვეში. 2017 წლის იანვრიდან დეკემბრამდე დამატებითმა ყურადღებამ, ახალი კრიპტოვალუტების შემოღებამ და მედიის გაშუქებამ კრიპტო-მონეტის ღირებულება იანვრის თვიდან 921 აშშ დოლარიდან დეკემბრამდე 13 062 აშშ დოლარს მიაღწია. ეს რეკორდული ზღვარი საბოლოოდ არამდგრადი იყო და ბიტკოინი გახდა საკუთარი რუტინული ცვალებადობის მსხვერპლი, რაც სტაბილურად ანადგურებდა მის წინა მიღწევებს. მხოლოდ 2020 წლამდე, როდესაც პანდემიის გამო ეკონომიკა დაიხურა, ბიტკოინის ფასმა კიდევ ერთხელ დაიწყო ზრდა. კრიპტოვალუტამ 2020 წელი 7 200 დოლარით დაიწყო. პანდემიამ და მთავრობის შემდგომმა პოლიტიკამ ინვესტორთა შიში გამოიწვია გლობალური ეკონომიკის შესახებ და დააჩქარა ბიტკოინის ზრდა. 23 ნოემბრის ბოლოს, ბიტკოინი 18,353 დოლარად იყიდებოდა. 2020 წლის დეკემბერში ბიტკოინის ფასმა 24 000 დოლარს მიაღწია, რაც ნიშნავს, რომ 2020 წლის დასაწყისიდან წლის ბოლომდე მისი ფასი 224% -ით გაიზარდა.

ნახაზი 1: ბიტკოინის ფასის ცვლილება 2013 წლიდან 2021 წლის თებერვლამდე

წყარო: https://www.statista.com/statistics/326707/bitcoin-price-index/

ბიტკოინის (BTC) ფასი $50,000-ს გადასცდა!

ბიტკოინის (BTC) ფასმა 16 თებერვალს რეკორდულ მაჩვენებელს $50,200-ს მიაღწია, რაც ბოლო 24 საათის განმავლობაში დაახლოებით 6%-იან ზრდას აღნიშნავს. ბიტკოინის (BTC) მიმართ ინტერესი Wall Street-მაც გამოთქვა, რამაც კიდევ უფრო გაამყარა ვალუტის ფასის ზრდის მომენტუმი და 2021 წლის მაჩვენებლით იგი უკვე დაახლოებით 70%-ით გაიზარდა.

ნახაზი 2: ბიტკოინის ფასის ცვლილება 24 საათის განმავლობაში (15–16 თებერვალი)

წყარო: mycoins.ge

ილონ მასკის “Tesla”-მ საგრძნობლად იმოქმედა ბიტკოინის ფასზე, მას შემდგე რაც 8 თებერვალს მათ კომპანიის ბიუჯეტის დიდი ნაწილი – $1.5 მილიარდი, სწორედ, რომ ბიტკოინში (BTC) ჩადეს. ხოლო “Tesla” ავტომობილების შეძენა კი უკვე კრიპტოვალუტით გახდება შესაძლებელი. ტესლამ ამ გზით ჭარბი აქტივების დივერსიფიკაცია მოახდინა, მოგების მაქსიმიზაციის მიზნით. ინფორმაციის გავრცელებამდე რამდენიმე დღით ადრე, მასკმა თავის ტვიტერის ექაუნთის აღწერაში #Bitcoin-იც კი ჩაიწერა, რაც იმის მანიშნებელი იყო, რომ ის კრიპტოვალუტას სერიოზულად უყურებს. ანალიტიკოსების თქმით, ტესლას ეს ნაბიჯი კრიპტოსამყაროსთვის დიდ ცვლილებებს და ძვრებს მოიტანს. ამ ეტაპზე კი კრიპტოვალუტის ფასი დრამატულად გაიზარდა და მისმა საერთო კაპიტალიზაცია რუსულ რუბლსაც კი გადაასწრო. საგულისხმოა ის ფაქტიც, რომ ამხელა გავლენის მქონე კომპანიისგან ასეთი ნაბიჯი ცოტათი მოულოდნელი იყო და შეიძლება ამან ჯაჭვური რეაქცია მოგვცეს. უკვე დაწყებულია საუბარი იმაზე, რომ

იგივე სახის ინვესტიციას მალე Apple-იც განახორციელებს, თუმცა ამ ყველაფერს დრო გვაჩვენებს.“Tesla”-ს მსგავსი ქმედების შემდეგ, “Uber”-ის CEO-მ დარა კოსროვშაშიმ განაცხადა, რომ კრიპტოვალუტაში საკუთარი ბიუჯეტის დაბანდებაზე თვითონაც ფიქრობდნენ. ხოლო კრიპტოვალუტით ანგარიშსწორება, მათი განხილვის ობიექტი სულ მალე გახდება. ექსპერტების აზრით ბიტკოინის (BTC) ფასის ასეთ რეკორდულ ზრდას, სწორედ იმ დიდი კომპანიების ბიტკოინისადმი მხარდაჭერა იწვევს, რომელსაც კრიპტოვალუტა ბოლო დროის მანძილზე იღებს.

ბიტკოინი (BTC) 2021-ში უკვე 100%-ით გაიზარდა! სადამდე ავა წლის ბოლომდე?

ბიტკოინმა (BTC) კვირა დღეს (21 თებერვალს) მის უმაღლეს ნიშნულს, $58,332-ს მიაღწია. ეს ყველაფერი კი იმას ნიშნავს, რომ ყველაზე ძვირადღირებულმა კრიპტოვალუტამ 2021-ის დაწყებიდან, მხოლოდ და მხოლოდ 2 თვეში, 100%-ანი ზრდა განიცადა. იანვრის დასაწყისში ერთი ბიტკოინის (BTC) ფასი $33,063-ს შეადგენდა, ხოლო დღეის მაჩვენებლით, ერთი ბიტკოინის (BTC) ფასი უკვე $56,437-ს აღწევს. (იხ. ნახაზი 4) (დღევანდელი კურსი შეგიძლიათ ნახოთ აქ: https://www.mycoins.ge/index.php/main/welcome)

16 თებერვალს SkyBridge- ის უფროსმა ვარაუდი გამოთქვა, რომ ბიტკოინი შეიძლება მოულოდნელად ჩამოვარდეს 20% -დან 50% -მდე, CNN- ის ინტერვიუს დროს . მან დაამატა, რომ მას სჯერა, აქტივის ფასი მაინც მდგრადი იქნება.

„SkyBridge Capital“-ის დამფუძნებელმა, ანტონი სკარამუჩიმ, რომელიც კრიპტოვალუტის ინდუსტრიას სულ ცოტა ხნის წინ შემოუერთდა, განაცხადა, რომ 2021-ის მიწურულს ბიტკოინი (BTC) $100,000-ს მიაღწევს და ინვესტორები მის აქტიურად შეძენას დაიწყებენ. თავად „SkyBridge Capital“-ს კი სკამუჩიმის განცხადებით $500 მილიონის ღირებულების ბიტკოინი (BTC) აქვს თავის ანგარიშზე. “ვფიქრობ, რომ ბიტკოინი (BTC) 2021-ის ბოლომდე მიაღწევს $100,000-ს“ – განაცხადა სკარამუჩიმ. „ეს უბრალოდ მოთხოვნა მიწოდების სიტუაციაა“ – განაცხადა მან “Squawk Box”-თან მიცემულ ინტერვიუში, რითაც გასულ დღეებში დიდი კომპანიების მიერ ბიტკოინისადმი გამოხატულ დიდ ინტერესს გაუსვა ხაზი.

ნახაზი 3: ბიტკოინის ფასის ცვლილება 15 თებერვლიდან 22 თებერვლამდე

წყარო: mycoins.ge

დასკვნა

ბიტკოინი შეიძლება სასარგებლო იყოს მრავალი ადამიანისთვის.მისი გამოყენება შეგიძლიათ ნებისმიერ ქვეყანაში,ვინაიდან ის საერთაშორისო ვალუტაა. Blockchain ნამდვილად დაცულია და ის საშუალებას გაძლევთ დარწმუნდეთ, რომ თქვენი ფული გადადის / მოდის სწორი ადამიანიდან. ბიტკოინის მიმღებ პირებს ტრანსაქციების გადახდა არ მოუწევთ, ბიტკოინს დიდი მხარდაჭერა აქვს. ეს ყველაფერი ნამდვილად დაეხმარება ბიტკოინს უფრო მეტი მომხმარებლის მოპოვებაში და თუ ყველა იყენებს ბიტკოინს, მას შეუძლია შეცვალოს ოფიციალური ვალუტა. რა თქმა უნდა, მას აქვს გარკვეული უარყოფითი მხარეები, მაგრამ ზოგიერთი მათგანი იმიტომ ხდება, რომ ბიტკოინი ახალია და რაც დრო გადის, ისინი ნაკლებად წარმოადგენენ პრობლემას.ბიტკოინი პოპულარობის მოპოვებას აპირებს და შესაძლოა ოფიციალურ ვალუტებსაც კი ჩაანაცვლოს.

გამოყენებული ლიტერატურა:

You May Also Like

ეკონომიკური ზრდის როლი ქვეყნის განვითარებაში

ქართული ღვინის ბრენდი და მისი კონკურენტუნარიანობის ამაღლების გზები

გარემოსდაცვითი გადასახადები