ინვესტორები ბუნების წინააღმდეგ

ობლიგაციების მყიდველები უფრო დიდ ფსონს აკეთებენ ბუნებრივი კატაკლიზმების წინააღმდეგ, რადგან მოელიან, რომ ამ კონკრეტული ტიპის ობლიგაციების შემოსავლიანობა გაიზრდება ცენტრალურ ბანკებზე ზეწოლის შედეგად.
მოთხოვნა უკავშირდება დაზღვევის ხარჯებს ქარიშხლებისა და სხვა ბუნებრივი კატასტროფების წინააღმდეგ, ამჟამად ინვესტორები იღებენ ათწლეულის განმავლობაში ყველაზე დაბალ განაკვეთებს, განსაკუთრებით წლის ამ პერიოდში, როდესაც ატლანტიკის ოკეანის შტორმის სეზონურობა იწყება. მყიდველები სპეკულირებენ იმით, რომ 22-მილიარდიანმა ბაზარმა შეიძლება გააგრძელოს წლიური დანაკარგების გარეშე ფორმირება, მიუხედავად იმისა, რომ გასულ კვირას ბაფეტმა განაცხადა, რომ Berkshire Hathaway Inc-მა თავი აარიდა ქარიშხლის დაზღვევის გამოყენებას ფლორიდაში, რადგან, მისი შეფასებით, რისკის პრემია ძალიან დაბალია.

ინცესტორებმა რომელთაც შეიძინეს 5.76 მილიარდი დოლარის კატასტროფის ობლიგაციები მიმდინარე წელს, წახალისებული არიან ამინდის პროგნოზით და 2002 წლის მერე საშუალო წლიური 8.5%-იანი განაკვეთით.

მიმდინარე წლის გარიგებათა მოცულობამ ფლორიდაში ქარიშხლის პოტენციური ზიანის ტრანზაქციებთან დაკავშირებით, რეკორდული თანხა, 1.5 მილიარდი აშშ დოლარი შეადგინა.

„ამინდის პროგნოზის მიხედვით, ქარიშხლების მოსალოდნელი ზარალიანობა საშუალო მაჩვენებელზე დაბალი იქნება წელს და ეს კარგია“ – ამბობს ჯონ ბრინჯოლფსონი, უმსხვილესი ჰეჯ-ჰონდის წარმომადგენელი, რომელიც 700 მილიონის ღირებულების საერთაშორისო აქტივებს განკარგავს, მათ შორის, ბუნებრივ კატაკლიზმებთან დაკავშირებულ აქტივებსაც, რომელსაც ფინანსურ ბაზრებზე ე.წ. cat bond-ად მოიხსენიებენ. „ამასთანავე, მათი კონკურენტუნარიანობიდან გამომდინარე cat bond საკმაოდ მიმზიდველია ფინანსური ბაზრების ინვესტორებისათვის“ – დასძენს ჯონ ბრინჯოლფსონი.

Cat bond-ების საპროცენტო განაკვეთი მიმდინარე წელს 4.7%-მდე დაეცა, რომელიც 2005 წლის მერე ყველაზე დაბალი მაჩვენებელია. შარშან ეს მაჩვენებელი 6.57% იყო. ბევრი ჰეჯ-ფონდისთვსი კატასტროფებზე მიბმული ფასიანი ქაღალდები ბოლო წლებში ვაჭრობის მთავარ იარაღად იქცა, მაგალითად, კონექტიკუტში მდებარე The Westport, 4.5 მილიარდი აშშ დოლარის აქტივებს განკარგავს, აქედან 90% კი სწორედ cat bond-ებზე მოდის.

თუმცა, გამოცდილი ინვესტორი, უორენ ბაფეტი მსგავს ბონდებზე დიდი ფსონის გაკეთებას გაუმართლებლად მიიჩნევს. ამინდის პროგნოზიც მის სასარგებლოდ მეტყველებს. ოფიციალური პროგნოზის მიხედვით, მოახლოებული სეზონის განმავლობაში მოსალოდნელია 1 ან 2 შტორმი – ივნისიდან ნოემბრამდე პერიოდში, მაშინ როცა გასულ წლებში მინიმუმ სამი დიდი შტორმი იყო მოსალოდნელი ამ პერიოდებში და პროგნოზიც მართლდებოდა.
კატასტროფის ობლიგაციებმა აშშ-ში ბოლო 2 წლის განმავლობაში 22%-ს მაიღწია. მსგავსი სახის ობლიგაციები ეხმარება ინვესტორებს ისეთი მასშტაბური კატაკლიზმებისგან თავის დაცვაში, როგორც ქარიშხალი „სანდი“ იყო.

სადაზღვევო და გადამზღვეველი კომპანიები ძირითადად ყიდიან cat bond-ებს იმისათვის, რომ მოახდინონ ძალიან მაღალი რისკის დაბალანსება. მყიდველები მსგავსი ობლიგაციების ფლობის დროს შედარებით მაღალ საპროცენტო განაკვეთებს იღებენ, ამასთანავე, მაღალია რისკი, რომ დაკარგავენ მთელ ინვესტიციას იმ შემთხვევაში, თუ აქტივები მათ მომწიფებამდე ამოქმედდება.

აღსანიშნავია, რომ კატასტროფის ობლიგაციების მფლობელებს არ განუცდიათ მნიშვნელოვანი ზარალი 2011 წლის შემდეგ, როცა იაპონიის მიწისძვრის შემდეგ Muteki Ltd-იმ განიცადა 300 მილიონი აშშ დოლარის ზარალი, რომელშიც ჩათრეული აღმოჩნდა გერმანული გადამზღვევი კომპანია Munich Re.

ბაზრის ტენდენციები და დაგროვილი გამოცდილება 2008 წლიდან მოყოლებული განსაკუთრებთ მნიშვნელოვანია ინსტიტუციური ინვესტორებისათვის, როგორცებიც არიან საპენსიო და სუვერენული ფონდები. ბოლო ოთხი წლის განმავლობაში მოთხოვნა კატასტროფის ობლიგაციებზე სტაბილურად მზარდია. ჰეჯ-ფონდების უმეტესობა მინიმუმ 1%-ს მაინც აბანდებს cat bond-ებში. მაგრამ როგორც ზემოთ აღვნიშნეთ, ახლა ისინი ობლიგაციების შემოსავლიანობის გაზრდას მოითხოვენ, რადგან ბოლო წლებში საპროცენტოო განაკვეთი სტაბილურად ეცემა.

Leave a Reply

Your email address will not be published.